अनलाइनबाट क्याम्पसको पठनपाठन

कोरोना भाइरस सङ्क्रमण रोकथाम तथा नियन्त्रणका लागि लामो समयदेखि बन्द रहेको सिरहाका सूर्यनारायण सत्यनारायण मोरवैता यादव वहुमुखी क्याम्पसले वैकल्पिक शिक्षण विधि (अनलाइन) बाट पठन–पाठन सुरु गर्ने भएको छ ।

क्याम्पस प्रमुख रामहित यादवले सूचना जारी गरी वैकल्पिक शिक्षण विधि (अनलाइन) बाट पठन–पाठन सुरु हुने जनाएका हुन् । अनलाइन कक्षाका लागि सम्बद्ध विभागीय प्रमुख र सहायक क्याम्पस प्रमुखसँग सम्पर्क गरी आ–आफ्नो नाम, कक्षा, रोल नम्बर, मोवाइल नम्बर उपलब्ध गराउन सूचनामार्फत विद्यार्थीलाई आग्रह गरिएको छ ।

त्रिभुवन विश्वविद्यालय परीक्षा नियन्त्रण कार्यालय र डिनको कार्यालयद्वारा सञ्चालन हुने परीक्षाहरु—२०७८ मंसिरदेखि सुरु गर्ने सोच बनाएको हुनाले हालको परिस्थितिमा अनलाइन कक्षा नै प्रमुख विकल्प देखिएको सूचनामा उल्लेख छ ।