विश्व बाघ दिवस : विश्वमै बाघको संख्या घट्दै

Tiger nepal

काठमाडौं । विश्व बाघ दिवस आइतबार नेपालमा पनि राष्ट्रिय निकुञ्ज तथा वन्यजन्तु संरक्षण विभागले विभिन्न कार्यक्रम गरेर मनाइदैछ ।

सन् २०१३ मा नेपालभर बाघको संख्या १ सय ९८ रहेकोमा यस वर्ष ३४ भन्दा बढी बाघ बढेर २ सय ३२ भन्दा बढी पुगेको छ ।

निकुञ्ज विभागका अनुसार शुक्लाफाँटामा बाघको संख्या सन् २००९ मा भन्दा बढेको छैन भने चितवनमा अघिल्लो गणनाभन्दा २२ बाघ घटेको देखिएको छ । तर यो बर्ष बाघको संख्या सरकारले सार्वजनिक गरेको छैन ।

मुलुकभर बाघको संख्या बढे पनि पर्यटकीय क्षेत्र चितवनमा बाघको संख्या घटनुलाई चिन्ताको विषय मानिएको छ । नेपालको चितवन, पर्सा, बाँके, बर्दिया र शुक्लाफाँटा राष्ट्रिय निकुञ्ज तथा आसपासका मध्यवर्ती सामुदायिक वन क्षेत्रका बाघ पाइन्छ ।

सन् २०१० मा रसियाको सेन्ट पिटर्सवर्गमा भएको बाघ पाइने मुलुकका राष्ट्र प्रमुखहरूको सम्मेलनले बाघ संरक्षणमा जोड दिँदै आगामी सन् २०२२ सम्ममा बाघको संख्या दोब्बर बनाउने लक्ष्य राखेको छ । सोही लक्ष्य अनुसार बाघ संरक्षणका लागि नेपालका विभिन्न कार्यक्रम हुँदै आएका छन् । बर्षेनी बाघको गणना समेत हुने गरेको छ ।

विश्वका १३ देशमा मात्र बाघ पाइएको छ । एसियाको नेपाल, भारत, बंगलादेश, थाइल्यान्ड, इन्डोनेसिया, भुटान, लाओस, म्यानमार, उत्तर कोरियालगायतका देशमा बाघ पाइन्छ । सय वर्षअघि लाखको हाराहारीमा रहेका बाघको संख्या विभिन्न कारणले घटेर ३ हजारको हाराहारीमा मात्रै रहेका छन् ।

प्रतिकृया दिनुहोस

साताको लोकपृय

साउन महिनाको अन्तिम शनिबार, श्री शनी देवको पुजा गर्दै हेर्नुस् आज साउन ३१ गतेको राशीफल

Rashi sabibar shanidev

मेष (चु, चे, चो, ला, लि, लु, ले, लो, अ) छोराछोरीबाट सन्तोष प्राप्त हुनेछ । दाजुभाइको प्रगतिको समा...