चितवन राष्ट्रिय निकुञ्जमा भ्रमण आउने पर्यटकको सँख्या बढदैँ

Chitawan park

चितवन । चितवन राष्ट्रिय निकुञ्जमा भ्रमण आउने पर्यटकहरुको संख्या बृद्धि भएको छ ।

भूकम्प, नाकाबन्दी र नारायणगढ–मुग्लिन सडक खण्डका कारण विगत ३ वर्षदेखि घटेको पर्यटकको संख्या गएको आर्थिक वर्षमा बढेको छ ।

अघिल्लो आर्थिक वर्षको तुलनामा गएको आर्थिक वर्षमा १२ हजार ६९३ बढी पर्यटकले निकुञ्ज अवलोकन गरेका छन् । अहिलेसम्म सबैभन्दा बढी आर्थिक वर्ष २०७१/०७२ मा १ लाख ८४ हजार पर्यटक निकुञ्ज प्रवेश गरेका थिए । चितवनमा आउनले पर्यटकको संख्या अद्यावधिक गर्ने आधीकारीक निकाय नभए पनि निकुञ्जले मध्यवर्ती क्षेत्र र निकुञ्ज प्रवेश गर्ने पर्यटकको विवरण संकलन गर्दै आएको छ ।

आर्थिक वर्ष २०७२/०७३ मा ८७ हजार ३९१ पर्यटक र आर्थिक वर्ष २०७३र०७४ १ लाख ३९ हजार ९७८ पर्यटकले निकुञ्ज अवलोकन गरेको यिथो । गत आर्थिक वर्ष २०७४/०७५ मा १ लाख ५२ हजार ६७१ जना पर्यटक निकुञ्ज भित्रिएको चितवन राष्ट्रिय निकुञ्जका सूचना अधिकारी नुरेन्द्र अर्यालले जानकारी दिए ।

निकुञ्जले विदेशी पर्यटकको १ हजार ५००, सार्क मुलुकका ७५० र नेपाली पर्यटकसँग १०० रुपैयाँ भ्याट बाहेक शुल्क लिने गरेको अर्यालले जानकारी दिए । निकुञ्जले आर्थिक वर्ष २०७४/०७५ मा पर्यटक प्रवेश शुल्कबाट मात्रै १६ करोड ७८ लाख ५४ हजार ६५० रुपैयाँ संकलन गरेको उनले बताए ।

निकुञ्जले गएको आर्थिक वर्ष २०७४/०७५ मा सम्पूर्ण शीर्षकमा गरी २४ करोड ८१ लाख ९९ हजार ९९८ रुपैयाँ राजश्व संकलन गरेको छ ।

निकुञ्जले आर्थिक वर्ष ०७३/०७४ मा २२ करोड ५१ लाख ६३ हजार ४०९ रुपैयाँ राजश्व संकलन गरेको थियो । आर्थिक वर्ष २०७२/०७३ मा १३ करोड १२ लाख २० हजार २५५ रुपैयाँ राजश्व संकलन भएको निकुञ्जले जनाएको छ ।

प्रतिकृया दिनुहोस

साताको लोकपृय

साउन महिनाको अन्तिम शनिबार, श्री शनी देवको पुजा गर्दै हेर्नुस् आज साउन ३१ गतेको राशीफल

Rashi sabibar shanidev

मेष (चु, चे, चो, ला, लि, लु, ले, लो, अ) छोराछोरीबाट सन्तोष प्राप्त हुनेछ । दाजुभाइको प्रगतिको समा...