कामाछिरिङले बनाए हिमाल आरोहणको वृत्तचित्र

Karmachiring britchitra

काठमाडौं । हिमाल आरोही कामाछिरिङ शेर्पाले हिमाल आरोहण, समस्या समाधान र हिमाल आरोहणका नायक शेर्पाहरुको जीवनमा आधारित वृत्तचित्र निर्माण गरेका छन् ।

शेर्पाले लामो समय लगाएर वृत्तचित्र तयार पारेका हुन् । उनले सो वृत्तचित्रमा नेपालका हिमालहरुको महत्वलाई प्राथमिकतासाथ उठाउएका छन् ।

शेर्पाले आफैंले पनि दुई पटक सगरमाथाको सफल आरोहण गरी सकेका छन् । उनले आफुले सगरमाथा आरोहणका क्रममा कैद गरिएका दृष्य पनि वृत्तचित्रमा समावेश गरेका छन् ।

काठमाडौदेखि सगरमाथा आरोहण गर्दासम्मका दृष्य वृत्तचित्रमा समेटिएको छ । हिमाल आरोहणमा ज्यान गुमाएका नेपाली आरोहीको कथा समेत वृत्तचित्रमा समावेश गरिएको छ । हिमाल चढ्दाको दर्दनाक अवस्था झल्काइएको सो वृत्रचित्रमा आरोहणका क्रममा कतिले ज्यान गुमाए भन्ने तथ्याङ्क समेत प्रस्तुत गरिएको छ ।

हिमाल आरोहणलाई युद्धसँग तुलना गर्दै शेर्पाले आरोहण गर्दाको समस्या, ज्यान गुमाउँदा परिवारले व्यहोर्नुपर्ने दुःख, अंगभंग भएका आरोहीहरुको कारुणीक कथालाई यथार्थ रुपमा वृत्तचित्रमा प्रस्तुत गरिएको शेर्पा बताउँछन् ।

शेर्पाले आज काठमाडौंमा पत्रकार सम्मेलन गर्दै वृत्रचित्र निर्माण गर्दाको दुःख सुनाए । ‘नेपाली शेर्पाहरुको साहस, धेर्यताबारे र समग्र नेपालको पर्यटन क्षेत्रको अवस्था झल्काउने कोशिस गरेको छु’ उनले भने, ‘हिमाल चढ्ने ओरोहीको अवस्था बारे कसैले बोल्दैनन्, राज्यले त्यही आरोहबिाट कर मात्रै उठाउँछ । त्यो अवस्थाको पनि चित्रण गरेको छु ।’

उनले आफ्नो वृत्तचित्रमा हिमाल आरोहण मात्र हैन, समग्र पर्यटन क्षेत्रमा देखिएका बेथिति र समाधानका उपायबारे पनि वृत्तचित्रमै देखाएका छन् । वृत्तचित्रले आरोहीका आश्रित परिवारलाई राज्यले शिक्षा, स्वास्थ्यको व्यवस्था गरिदिनु पर्ने, अंगभंग भएकाहरुको उपचारको व्यवस्था गरिदिनु पर्ने, बृद्ध आरोहीहरुको लागि सामाजिक सुरक्षाको व्यवस्था ग्यारेण्टी हुनुपर्ने, पर्यटकको सुरक्षा लगायत पनि समेटेका छन् ।

प्रतिकृया दिनुहोस

साताको लोकपृय

साउन महिनाको अन्तिम शनिबार, श्री शनी देवको पुजा गर्दै हेर्नुस् आज साउन ३१ गतेको राशीफल

Rashi sabibar shanidev

मेष (चु, चे, चो, ला, लि, लु, ले, लो, अ) छोराछोरीबाट सन्तोष प्राप्त हुनेछ । दाजुभाइको प्रगतिको समा...