सरकारले संग्रहालय स्थानीय तहमा हस्तान्तरण गर्ने

काठमाडौं । संस्कृति, पर्यटन तथा नागरिक उडड्यनमन्त्री रविन्द्र अधिकारीले तीनवटा संग्रहालय बाहेक अन्य संग्राहलयहरु स्थानीय तहमा हस्तान्तरण गर्ने बताएका छन् ।

संघको मातहतमा राष्ट्रिय संग्राहलय, नारायणहिटी ऐतिहासिक संग्राहलय र नेपाल राष्ट्रिय सांस्कृतिक संग्राहलय रहने उनले प्रष्ट पारे ।

सोमबार छाउनीस्थित राष्ट्रिय संग्राहलयको अवलोकनपछि मन्त्री अधिकारीले अरु सबै संग्राहलय स्थानीय तहलाई विधिवत रुपमा हस्तान्तरण गर्ने घोषणा गरेका हुन् । उनले सबै जातीय संग्राहलयलाई मिलाएर नेपाल राष्ट्रिय सांस्कृतिक संग्राहलय बनाउन लागिएको पनि जानकारी दिए । सरकारले सो संग्राहलय ललितपुरको चम्पादेवीमा बनाउन सुरु गरिसकेको छ ।

मन्त्री अधिकारीले राष्ट्रिय संग्राहलयको उचित व्यवस्थापनका लागि आवश्यक बजेट उपलब्ध गराउने आश्वासन पनि दिएका छन्।