एकैदिन कोरोनाबाट अमेरिका भन्दा भारतमा २ गुणा बढीको मृत्यु

काठमाडौँ । पछिल्लो २४ घण्टामा कोरोना संक्रमणको कारण अमेरिकामा भन्दा भारतमा दुई गुणा बढी मानिसको मृत्यु भएको छ । एक दिनमा कोरोना संक्रमणको कारण भारतमा आठ सय ४६ जनाको मृत्यु भएको छ । यस अवधिमा भारतमा ६१ हजार सात सय ४९ जनामा संक्रमण पुष्टि भएको छ ।

अमेरिकामा भने पछिल्लो २४ घण्टामा चार सय ३० जनाको मृत्यु भएको छ भने ३२ हजार सात सय १८ जनामा संक्रमण पुष्टि भएको छ । त्यसैगरी ब्राजिलमा पछिल्लो २४ घण्टामा झण्डै पाँच सयले ज्यान गुमाएका छन् भने २३ हजार भन्दा धेरैमा संक्रमण देखिएको छ ।

यस अवधिमा विश्वभर कोरोना संक्रमणको कारण चार हजार दुई सय ३५ जनाले ज्यान गुमाएका वल्डओमिटरमा उल्लेख छ । दुई लाख ६ हजार भन्दा धेरैमा संक्रमण देखिएको छ ।