प्रधानन्यायाधीसमा गोपाल पराजुलीको नाम सिफारसि

काठमाडौँ । संवैधानिक परिषद्ले प्रधानन्यायाधीशमा प्रधानन्यायाधीश गोपाल पराजुलीको नाम सिफारिस गरेको छ । परिषद्को सोमवार विहान सिंहदरवारमा बसेको बैठकले पराजुलीको नाम अनुमोदनका लागि संसदीय सुनुवाई समितिमा पठाउने निर्णय गरेको हो ।

निवर्तमान प्रधानन्यायाधीश सुशीला कार्कीले प्रधानन्यायाधीशका लागि बरिष्ठताका आधारमा पराजुलीसहित ६ जना न्यायाधीशको नाम संवैधानिक परिषद्मा पठाएकी थिइन् ।

पराजुलीको नाम संसदीय सुनुवाई समितिबाट अनुमोदन भएपछि मात्र उनी प्रधानन्यायाधीश बन्नेछन् । उनले अब करिव ११ महिना सर्वोच्च अदालतको नेतृत्व सम्हाल्नेछन् ।