आजबाट संघीय संसदको बजेट अधिवेशन सुरु हुँदै, जेठ १५ गते आगामी आर्थिक वर्षको बजेट पेश गर्नुपर्ने संवैधानिक प्रावधान

Samsad bhawan final

जेठ ३ : राष्ट्रपति विद्यादेवी भण्डारीले मंगलबार दिउँसो ४ बजेका लागि संसद अधिवेशन आह्वान गरेकी छन् । प्रतिनिधिसभा र राष्ट्रियसभाका बैठक मंगलबारदेखि सुरु हुने भएका छन् । यहि जेठ १५ गते आगामी आर्थिक वर्षको बजेट पेश गर्नुपर्ने संवैधानिक प्रावधान रहेको छ ।

मंगलबारको बैठकमा अर्थमन्त्री जनार्दन शर्माले आर्थिक वर्ष २०७९(८० का लागि विनियोजन विधेयकको सिद्धान्त र प्राथमिकता सम्बन्धमाथि छलफल गरियोस् भनी प्रस्ताव गर्ने कार्यसूची रहेको छ । त्यस्तै कानून न्याय तथा संसदीय मामिलामन्त्री गोविन्दप्रसाद शर्माले फौजदारी कसुर तथा फौजदारी कार्यविधि सम्बन्धी केही ऐनलाई संशोधन गर्ने अध्यादेश २०७८ र यौ नहिंसा विरुद्ध केही ऐनलाई संशोधन गर्ने अध्यादेश, २०७८ पेश गर्ने कार्यसूची पनि रहेको छ ।

प्रमुख प्रतिपक्षी नेकपा एमालेले निरन्तर संसद बैठकहरु अवरुद्ध गर्दै आएको छ । एमालेले आफूले निष्कासन गरेका माधव नेपाल पक्षका १४ जना सांसदलाई सभामुखले कारबाही नगरेको भन्दै नेकपा एमालेले संसद अवरुद्ध गर्दै आएको छ । बजेट अधिवेशन भएकाले यस पटक एमालेले के कस्तो रणनीति लिन्छ भन्ने खुलेको छैन ।

प्रतिकृया दिनुहोस

साताको लोकपृय

टार्गेट मंसिर ४ गते : इमान कमाउने बाउ, सधैं ब्याज खाने छोरो !

Sunil thapa

धनकुटा । आगामी मंसिर ४ गते प्रतिनिधिसभा र प्रदेश सभाको निर्वाचन घोषणा भएसँगै चुनावी जोड घटाउको रा...