प्रचण्डसामु झुके दलित नेता, काम लागेन प्रचण्डलाई दलितले हालेको बिन्तीपत्र

काठमाडौं । आइतबारबाट राजधानीमा सुरु भएको आठौं महाधिवेशन आठौं दिनमा सकिएको छ । ऐन र पार्टी विधानविपरीत दलितलाई केन्द्रीय सदस्य दिने भएपछि विरोधमा अध्यक्ष पुष्पकमल दाहाद ‘प्रचण्ड’ लाई दलित समुदायका प्रतिनिधिहरुले ज्ञापनपत्र बुझाए ।

दलितलाई केन्द्रीय सदस्यमा ७ प्रतिशतलाई मात्रै दिएपछि असन्तुष्टि जनाउँदै १ सय ११ जना दलित प्रतिनिधिहरुले आज बिहान मात्रै अध्यक्ष प्रचण्डलाई ज्ञापनपत्र बुझाएका थिए । निर्वाचन ऐनले १५ र पार्टी विधानले पनि १५ प्रतिशतलाई केन्द्रीय सदस्यल बनाउनुपर्ने व्यवस्थाविपरीत ७ प्रतिशत दिने भनिएपछि उनीहरु असन्तुष्ट बनेका थिए ।

शनिबार ७५ जना महाधिवेसन प्रतिनिधिहरुले हस्ताक्षर गरेर पार्टी आरक्षण विरोधी मार्गमा हिडेको आरोप लगाएका थिए । लगातारको छलफलमा पनि दलितलाई विषेश अधिकार नदिने भएपछि आज बिहान केन्द्रीय सदस्यहरू परशुराम रम्तेल, दलजित श्रीपाइलीसहितका १ सय १२ जनाले १५ प्रतिशत नै सुनिश्चित गर्न माग गर्दै अध्यक्ष प्रचण्डलाई ज्ञापनपत्र बुझाए । तर, अन्तिम समयमा प्रचण्डको भाषणकै कारण उनीहरु आफ्नो मागबाट पछि हटे । खेलकुद मन्त्री महेश्वर गहतराजले भने हस्ताक्षर गरेका थिएनन् ।

प्रचण्डले २३६ जनाको केन्द्रीय समिति घोषणा गर्दा हस्ताक्षर नगर्ने गहतराजसहित परशुराम रम्तेल, महेन्द्र पासवान, गोपी सार्की अछामी र दलजित श्रीपाइली खुल्ला कोटाबाट केन्द्रिय सदस्यको सुचीमा अटाए ।

महाधिवेसनको दोस्रो दिन नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले दलित समुदायलाई विषेश अधिकार दिनेगरी कुल सदस्य संस्याको १५ प्रतिशत दलित समुदायलाई आरक्षण दिने उल्लेख गरेका थिए । प्रचण्डले पेश गरेको राजनीतिक दस्तावेजमा समेत सो उल्लेख थियो । तर, देव गुरुङले पेश गरेको विधानमा भने त्यसलाई कटौती भएको थियो ।

निर्वाचन आयोगका अनुसार २२ जना दलितहरु मात्रै केन्द्रिय समितिमा पुग्ने भन्दै तर दलित समुदायका प्रतिनिधिहरुले भने कुल सदस्य संख्याको १५ प्रतिशत दलितको उपस्थिती हुनुपर्ने बताउँदै आएका थिए । कुल सदस्य संख्याको आधा अर्थात् २९९ जनालाई कुल संख्या मानेर त्यसलाई प्रतिशतमा भाग लगाइनुपर्ने उनीहरुको माग थियो ।

सबै दलित प्रतिनिधिहरुले १५ प्रशितको माग उठाउँदै आएको भए पनि हस्ताक्षर गर्नेहरु नै केन्द्रिय समितिमा अटाएका छन् । महाधिवेशनबाट दलिततर्फ खुल्ला कोटामा अटाएका बाहेक १६ जना केन्द्रीय सदस्य निर्वाचित भएका छन् ।

आइतबार महाधिवेशनको बन्दसत्र सञ्चालन भइरहेको कमलादीस्थित नेपाल प्रज्ञा प्रतिष्ठानको सभाहलमा अध्यक्ष पुष्पकमल दाहाल प्रचण्डले दलितभित्र पनि विभिन्न क्लस्टरमा गरी १६ जनाको नाम वाचन गरे । उनका अनुसार दलितबाट २ जना केन्द्रीय सदस्यको नाम पछि घोषणा हुनेछ ।

दलित पुरुषतर्फ विष्णुबहादुर बिक, यमबहादुर परियार र जगत पार्की अटाएका छन् । त्यस्तै दलित महिला अन्जना बिसंखे, सुशीला श्रीपाईली, सीता बौडेल, मानकुमारी नेपाली, सीता नेपाली, धनमाया बिक, लक्ष्मी बिक, शान्ति नेपाली, गीता गहतराज, दुर्गाकुमारी बिक र पम्फा बसेल निर्वाचित भएका छन् ।

दलित युवातर्फ सुबोध श्रीपाइली र दलित युवा महिला जाजरकोटकी पार्वती बिक निर्वाचित भएकी छन् । भर्खरै मसालबाट एकता गरेर आएका तिलक परियार र गोविन्द बिक केन्द्रीय कमिटीमा ल्याएका छन् ।

सबै गर्दा पनि माओवादी २३ जना मात्रै जदित समुदायका नेता केन्द्रिय समितिमा अटाएका छन् । प्रचण्डले नाम घोषणा गर्दा आफुले जतिसक्दो दलित समुदायलाई केन्द्रिय समितिमा मनोनित गर्ने आह्वासन दिएका छन् । तथापि अहिलेसम्मको अवस्था हेर्दा कुल सदस्य संख्याको ७ प्रतिशत पनि दलितको सहभागिता भएको छैन ।

र, यो पनि...

माओवादीको महाधिवेशन : दलितलाई केन्द्रीय सदस्यमा सात प्रतिशत छुट्याएपछि विरोध, प्रचण्डलाई ज्ञापनपत्र