सानेपामा कांग्रेसको केन्द्रीय कार्यसमिति बैठक सुरु

काठमाडौँ । नेपाली कांग्रेसको केन्द्रीय कार्यसमिति बैठक सुरु भएको छ। पार्टी कार्यालय सानेपामा बैठक सुरु भएको हो।

बैठकले नेपाली कांग्रेसको १४ औँ महाधिवेशनको कार्यतालिका हेरफेर गर्ने निर्णयलाई औपचारिकता दिनेछ।

यसअघि जेठ २९ गते बुढानिलकण्ठस्थित सभापति शेरबहादुर देउवाको निवासमा बसेको पदाधिकारी तथा पूर्वपदाधिकारीको बैठकले पार्टीको १४ औँ महाधिवेशनको कार्यतालिका हेरफेर गर्ने निर्णय गरेको थियो।

सोही निर्णयलाई औपचारिकता दिन बिहीबार केन्द्रीय कार्यसमिति बैठक बसेको हो। कांग्रेसले आउँदो भदौ ७ देखि १० गतेसम्मका लागि तोकिएको महाधिवेशन नौ दिन पर सारेर भदौ १६ देखि १९ गतेसम्म गर्ने तयारी भएको छ।