सिंहदरबारमा विपक्षी गठबन्धनका शीर्ष नेताहरु छलफलमा

काठमाडौँ । विपक्षी गठबन्धनका शीर्ष नेताहरु संवादमा जुटेका छन्। संसद पुनःस्थापना र कांग्रेस सभापति शेरबहादुर देउवालाई प्रधानमन्त्री बनाउन माग गर्दै सर्वोच्चमा रिट हालेको भोलिपल्ट विपक्षी गठबन्धनका नेताहरु संवादमा जुटेका हुन्।

सिंहदरबारमा कांग्रेस, माओवादी केन्द्र, एमालेबाट निष्कासित माधव नेपाल समूह र जसपाका नेताहरुबीच छलफल भइरहेको हो। सोमबार विपक्षी गठबन्धनका १४६ जना सांसदहरुले संसद विघटन बदर र देउवालाई प्रधानमन्त्री बनाउन माग गर्दै सर्वोच्चमा रिट हालेका थिए। त्यसमा नेकपा एमालेका २३ जना सांसदहरुले पनि हस्ताक्षर गरेका छन्।

त्यसलगत्तै बसेको एमाले स्थायी कमिटिको बैठकले वरिष्ठ नेताद्वय झलनाथ खनाल र माधवनेपालसहित ११ जनालाई साधारण सदस्यसमेत नरहने गरी निष्कासन गरेको थियो।