समितिले निर्णय लिन नसक्दा प्रधानन्यायधीशको सुनुवाई स्थगित

काठमाडौं । प्रस्तावित प्रधानन्यायाधीशमा दीपकराज जोशीको संसदीय सुनुवाइबाट नाम अनुमोदन गर्ने कि नगर्ने भन्ने निर्णय आज पनि हुन सकेन ।

संसदीय सुनुवाइ समितिका संयोजक लक्ष्मणलाल कर्णले सहमति जुटाउनका लागि थप छलफल गर्नुपर्ने भएकाले शुक्रबार बस्नेगरी बैठक स्थगित गरिएको छ ।

बैठकमा प्रमुख विपक्षी कांग्रेसले ‘संघीय कानुन बनेको छैन, अनुमोदन नगर्ने हो भने हामी मान्दैनौं’ भनेपछि सहमतिका लागि बैठक स्थगित भएको हो । शुक्रबार सम्म सहमति नभए प्रक्रियाबाट टुंगो लगाइने जनाइएको छ ।