इन्जुरी समयमा माराटोले गोल गर्दा चेल्सी विजयी

पुस । चेल्सी लिग कप फुटबलको सेमिफाइनलमा प्रवेश गरेको छ । घरेलु मैदानमा बुधबार राति भएको खेलमा चेल्सीले बोर्नमाउथलाई २–१ ले हराउँदै अन्तिम चारमा स्थान पक्का गरेको हो ।

१३ औं मिनेटमा विलियनको गोलबाट चेल्सीले अग्रता लिएको थियो । तर ९० औं मिनेटमा डन गोस्लिङले बोर्नमाउथका लागि बराबरी गोल फर्काए । तर इन्जुरी समयको पहिलो मिनेटमा अल्भारो मोराटोले गोल गर्दै चेल्सीलाई जित दिलाए ।

यहि सिजन रियल मड्रिडबाट आएका मोराटाले चेल्सीका लागि अहिलेसम्म ११ गोल गरिसकेका छन् । चेल्सीले अब सेमिफाइनलमा आर्सनलसँग प्रतिस्पर्धा गर्नेछ ।