मदिराका कारण महिला साँझ घरमा ढुक्कका साथ बस्न पाउँदैनन्
निशान न्युज
Mangsir 18, 2074
बैतडी । बैतडीमा महिला तथा बालबालिका माथि हिंसा बढ्दै जानुको मुख्य कारण मदिरा बनेको छ । महिला हिंसाको मुख्य कारण मदिरा बनेको जिल्लाका स्थानीय तहका उपप्रमुख र उपाध्यक्षले बताएका छन् । जिल्लाका १० वटै स्थानीय तहमा सबैभन्दा बढी मदिराको कारोबार बढेकाले ठूलो समस्या भएको शिवनाथ गाउँपालिकाकी उपाध्यक्ष कुस्मा चन्दले बताइन् ।
आफूले स्थानीय तहको चुनावको बेला भोट माग्दा मदिरा बन्द गर्ने आश्वासन दिएको भए पनि समाजमा काम गर्न समस्या भएको उनले बताइन् । शिवनाथका महिला रक्सीका कारण निकै पीडत बनेकाले उनीहरुको आवाज सुन्दै मदिरा निषेध गर्न खोज्दा उल्टै गाउँपालिकाको नाममा मुद्दा परेको उनि बताउछिन् ।
‘समाजमा राम्रो काम गर्न निकै चुनौती रहेछ’, उनले भनिन्– ‘दिनभरि महिला बारीको काममा व्यस्त भए पनि साँझ घरमा ढुक्कसँग बस्न पाएका छैनन् ।’ ग्रामीण भेगका महिलाले आफ्नै घरपरिवारबाट हिंसा खेपिरहेको उनले बताइन् ।
सिगास गाउँपालिकाकी उपाध्यक्ष द्रोपती चन्द मदिराका कारण महिलाले निकै कष्ट खेपिरहेको बताउछिन् । मदिराका कारण महिला तथा बालबालिकामाथि हिंसा बढ्दै गएकाले उनीहरुले नै अभियान सञ्चालन गरेको उनले बताइन् । ‘महिला आफैँ मदिरा बन्द गर्न आन्दोलनमा उत्रिएका छन्’ उनले भनिन् ।
डिलासैनी, सुर्नयाँ गाउँपालिकालगायत जिल्लाका अन्य स्थानीय तहमा समेत मदिराका कारण महिला हिंसामा परेका छन् । ‘महिलामाथि हुने हिंसामा अझै कमी आउन सकेको छैन’ दोगडाकेदार गाउँपालिकाकी उपाध्यक्ष पार्वर्ती कार्कीले भनिन्। महिलामाथि हुने हिंसामा अझै कमी आउन नसकेको उनले भताइन् ।
जिल्ला प्रहरी कार्यालयका अनुसार महिलामाथि हुने हिंसा धेरैजसो मिलापत्रमा टुंग्याउने गरिएको छ । आफूमाथि भइरहेको हिंसाका बारेमा अझै पनि महिला खुलेर बोल्न नसक्ने र प्रहरीमा पुगेका मुद्दा पनि अधिकांश मिलापत्रमा टुंगिने गरेको जिल्ला प्रहरी कार्यालयले जनाएको छ ।
गत आर्थिक वर्षमा जिल्लामा महिलामाथि हुने घरेलु हिंसाका ८० भन्दा बढी मुद्दा दर्ता भएको भए पनि सबै मिलापत्रमा टुंगिएको प्रहरी नायब उपरीक्षक हेरम्ब शर्माले जानकारी दिए । महिलामाथि हुने घरेलु हिंसा न्यूनीकरणका लागि परिवारबाटै सचेतना अभियान सञ्चालन गर्नुपर्नेमा महिला अधिकारकर्मीले जोड दिएका छन् ।
सम्बन्धित समाचार
टुँडिखेलको भीडमा च्यापिदा घाइतेको संख्या १६ पुग्यो, ट्रमा सेन्टरमा उपचार हुँदै
काठमाडौं । टुँडिखेलमा माघी मनाउने क्रममा च्यापिएर घाइते हुनेको संख्या १६ पुगेको छ । काठमाडौं महान...
विधिवत रुपमा सुरु भयो छठ पर्व, जलाशय क्षेत्र बनाइयो झकिझकाउ
काठमाडौं । सूर्यको उपासना गरी मनाइने छठपर्व आजदेखि विधिवत सुरु भएको छ । खासगरी नेपालको तराई मधेश...
जनकपुरधाममा सुरु भयो छठको तयारी, सजाउन थालियो जलासय
महेन्द्रनगर (धनुषा) । दीपावली सकिएसँगै जनकपुरधाममा छठको तयारी शुरु भएको छ । छठ पर्व नजिकिँदै गएपछ...
आज भाइटीका, उत्तम साइत १० बजेर ५१ मिनेटमा, दिनभरी नै टीका लगाउन मिल्ने
काठमाडौं । तिहारको मुख्य दिन आज दाजुभाइ दिदीबहिनीले एकअर्कालाई टीका लगाइदिएर भाइटीका पर्व मनाइँदै...
आज नेपाल संवतको नयाँ वर्ष, म्हः पूजा पनि आजै
काठमाडौं । नेपाल संवत् ११४४ आज देशभर विविध कार्यक्रम आयोजना गरी मनाइँदैछ । यस संवत्लाई हाल नेवार ...
शुरु भयो यमपञ्चक, आज कागको पुजा गरी काग तिहार मनाइँदै
काठमाडौं । प्रत्येक वर्ष कात्तिक कृष्ण त्रयोदशीदेखि सुरु हुने नेपालीको दोस्रो ठूलो चाड यमपञ्चक अर...
साताको लोकपृय
धनकुटामा खानेपानीको समस्या हुन दिन्नँ : खानेपानी मन्त्री राई
काठमाडौं । खानेपानी राजेन्द्रकुमार राईले यो वर्षदेखि धनकुटाका कुनै पनि स्थानमा खानेपानीको समस्या ...
प्रतिकृया दिनुहोस