दुई वामपन्थी दलबीच तालमेलका साथै पार्टी एकता

आज ५ बजे औपचारिक घोषणा हुने

Oli17

काठमाण्डौं । दुई वामपन्थी दल नेकपा एमाले र नेकपा माओवादी केन्द्रबीच तालमेलका साथै पार्टी एकताबारे आज ५ बजे औपचारिक घोषणा हुने भएको छ ।

राष्ट्रिय सभागृहमा चुनावी तालमेललगायतको औपचारिक घोषणा हुने तय भएको एमाले महासचिव ईश्वर पोखरेलले जानकारी दिए ।

एमाले र माओवादी केन्द्रका शीर्ष नेताहरुबीच मंगलबार ललितपुरमा भएको वार्ताले चुनावी तालमेलसँगै पार्टी एकताको सहमतिले अन्तिम रुप दिएको छ ।

बैठकमा सहभागी एक नेताका अनुसार एमाले र माओवादीबीच प्रतिनिधिसभा र प्रदेशसभामा ६० र ४० अनुपातमा चुनावमा जाने सहमति भएको छ ।

दुवै दलको घोषणापत्र एउटै बनाउने भनिए पनि चुनाव चिन्ह भने प्राविधिक समस्याका कारण एउटै बनाउन कठीन देखिएको स्रोतले दावि गरेको छ ।

बैठकमा एमालेका तर्फबाट अध्यक्ष केपी शर्मा ओली, उपाध्यक्ष वामदेव गौतम, संसदीय दलका उपनेता सुवास नेम्वाङ, महासचिव ईश्वर पोखरेल, उपमहासचिव विष्णु पौडेल सहभागी थिए ।

त्यस्तै माओवादीका तर्फबाट अध्यक्ष पुष्पकमल दाहाल, नेताहरु नारायणकाजी श्रेष्ठ, रामबहादुर थापा र गृहमन्त्री जनार्दन शर्मा सहभागी थिए ।

 

प्रतिकृया दिनुहोस

साताको लोकपृय

तत्काललाई टर्यो सुदूरपश्चिम प्रदेशको राजनीतिक खटपट, समाजवादीका सोडारी मुख्यमन्त्री बन्ने

Pm prachanda kp oli meet with madhav kumar nepal

काठमाडौं । सुदूरपश्चिम प्रदेशका प्रमुख नजिर मियाँले २ दिनभित्र मुख्यमन्त्री दाबी गर्न मंगलबार पुन...