प्रतिनिधिसभा र प्रदेशसभा निर्वाचनका लागि काँग्रेसमा १५५ जना आकांक्षी

Tree14

पोखरा । आसन्न प्रतिनिधिसभा र प्रदेशसभा निर्वाचनका लागि नेपाली काँग्रेस कास्कीमा १५५ जनाले उम्मेदवार बन्न आकांक्षा देखाएका छन् ।

पार्टीको जिल्ला कार्य समितिले उम्मेदवारको नाम संकलनको जिम्मा क्षेत्रीय समितिलाई दिएपछि क्षेत्र नं १ मा ५९, क्षेत्र नं २ मा ४२ र क्षेत्र नं ३ मा ५४ जनाले उम्मेदवार बन्न निवेदन दिएको क्षेत्रीय समितिले जनाएका छन् ।

क्षेत्र नं १ को प्रतिनिधिसभा निर्वाचनको प्रत्यक्षतर्फ कानुन, न्याय तथा संसदीय व्यवस्था मन्त्री यज्ञबहादुर थापा, पूर्व सभामुख तारानाथ रानाभाट, सांसद जीवन परियार, क्या फत्तेबहादुर गुरुङ, गुरु बराल, तिलक रानाभाट, कृष्णबहादुर कार्कीले उम्मेदवार बन्न निवेदन दिएको क्षेत्रीय सभापति विर्जमान गुरुङले जानकारी दिए ।

त्यस्तै प्रतिनिधिसभाको समानुपातिकतर्फ संख्या पोखरेल, गौरी सापकोटा, सरस्वती गुरुङ, परशुराम वी पोखरेल, प्रा पदमशरण रेग्मी, तारा अधिकारी र हुमबहादुर गुरुङले आकांक्षा देखाएका छन्।

क्षेत्र नं १ क प्रदेशसभा निर्वाचनको प्रत्यक्षतर्फ २३, समानुपातिकतर्फ आठ, क्षेत्र नं १ ख को प्रत्यक्षतर्फ छ र समानुपातिकतर्फ आठजनाले निवेदन दिएका छन् ।
यसैगरी क्षेत्र नं २ को प्रतिनिधिसभा निर्वाचनको प्रत्यक्षतर्फ सोभियतबहादुर अधिकारी, ऋषिराम काफ्ले, देवराज चालिसे, युवराज लामिछाने, डा परमेश्वर पोखरेल र गुरुप्रसाद बरालले निवेदन दिएको क्षेत्रीय सभापति विजय आचार्यले बताए ।

त्यस्तै समानुपातिकतर्फ रजनी केसी, सकुन्तला कोइराला, प्रा डा रामचन्द्र पोखरेल, खेमकुमारी बराल, विन्दादेवी आले, गंगाबहादुर खत्री र पद्मसिंह गुरुङ उम्मेदवारको आकांक्षी रहेका छन् ।

प्रदेशसभा क्षेत्र नं २ क को प्रत्यक्ष र समानुपातिकमा पाँच÷पाँचजना आकांक्षी छन् । क्षेत्र नं २ ख मा प्रत्यक्षतर्फ १० र समानुपातिकमा नौजना उम्मेदवारको आकांक्षी बनेका छन् ।

यस्तै क्षेत्र नं ३ को प्रतिनिधिसभाको प्रत्यक्षतर्फ सांसद शारदा पौडेल, पूर्व सांसद शुक्रराज शर्मा, पूर्व राज्यमन्त्री महादेव गुरुङ, खेमराज पौडेल, बाबुराम आचार्य, दीपक गुरुङ र भरतजङ्ग कुँवर तथा समानुपातिकतर्फ भोला थापा, सुरेन्द्रबहादुर भारी, कृष्णकुमारी परियार, रामजी कुँवर, गौमती थापा, गंगा केसी, मनबहादुर विश्वकर्मा लामगादे, रामप्रसाद अधिकारी र पोषनाथ शर्माले आकांक्षा देखाएका क्षेत्रीय सभापति पोषनाथ शर्माले जानकारी दिए ।

त्यस्तै प्रदेशसभा क्षेत्र नं ३ क को प्रत्यक्षतर्फ ८, समानुपातिकतर्फ १७, क्षेत्र नं ३ ख मा प्रत्यक्षतर्फ ८ र समानुपातिकतर्फ छजनाले उम्मेदवार बन्न निवेदन दिएका बताइएको छ ।

क्षेत्रीय समितिहरुमा उम्मेदवार बन्ने आकांक्षीको नामावली जिल्ला समितिमा छलफल गरेर पार्टीको केन्द्रीय समितिमा सिफारिस गरिने जिल्ला सभापति कृष्ण केसीले जानकारी दिए ।

प्रतिकृया दिनुहोस

साताको लोकपृय

तत्काललाई टर्यो सुदूरपश्चिम प्रदेशको राजनीतिक खटपट, समाजवादीका सोडारी मुख्यमन्त्री बन्ने

Pm prachanda kp oli meet with madhav kumar nepal

काठमाडौं । सुदूरपश्चिम प्रदेशका प्रमुख नजिर मियाँले २ दिनभित्र मुख्यमन्त्री दाबी गर्न मंगलबार पुन...