बामदेवको हातबाट टिका लगाएर ‘कामरेड’ बन्दै कोमल ओली

काठमाडौं । निक्कै तामझामका साथ एमाले अध्यक्ष केपी शर्माको हातबाट रातो टिका लगाउने योजना बनाएकी कोमल ओलीको मनमा सुरुमै ठेस लाग्ने भएको छ ।

एमाले अध्यक्ष ओलीबाट आज रातो टिका लगाएर एमाले प्रवेश गर्ने तयारीमा रहेकी गायीका तथा राप्रपाकी केन्द्रिय सदस्य कोमल ओली अन्ततः उपाध्यक्ष बामदेव गौतमको हातबाट टिका लगाउने भएकी छन् ।

आज दाङमा विशाल कार्यक्रम गरेर एमाले अध्यक्ष केपी ओलीले सम्बोधन गरेर कोमललाई एमाले प्रवेश गराउने कार्यक्रम थियो । तर, ओली झापा जाने कार्यक्रम तय भएपछि उपाध्यक्ष बामदेव गौतमले पार्टी प्रवेश गराउने भएका हुन् ।

गायीका ओलीसँगै आजै कांग्रेसका एक प्रभावशाली नेता तथा व्यवसायी बलिभद्र राना पनि प्रवेश गर्दै छन् ।