भीम रावलको प्रश्न : सप्तरीमा जनता डुबानमा छन्, राजपा नेता विदेशी दुतावासमा बैठक गर्न मिल्छ ?

Bim rawal

काठमाडौं । नेकपा एमालेका नेता भीम रावलले मधेशी नेताहरुसँग आक्रोस पोखेका छन् । उनले मधेशमा बाढीले ड’वाइरहेका बेला मधेशका कुरा गर्ने गर्ने मधेशी नेताहरु भारतीय दुतावासमा पुगेर डिनर खाइरहेको आरोप लगाएका छन् ।

नेता रावलले भने, ‘सप्तरीमा जनता डुबेका छन्, त्यसबारे एक शब्द पनि नबोल्ने ? अनि दुतावास दुतावासमा धाएर बस्ने ?’ उनले मधेशमा समस्याप्रति राष्ट्रिय जनता पार्टीका नेताहरुले ध्यान नदिएको आरोप लगाए ।

बिहीबार रिपोर्टर्स क्लब नेपालले आयोजना गरेको कार्यक्रममा रावलले सप्तरीमा केही दिनदेखि लगातार आएको बाढीले डुबानमा रहेकाले अहिले राजपाका नेताहरुले आन्दोलनभन्दा पनि त्यस विषयमा बोल्नुपर्ने बताए । उनले भने, ‘चुनावमा जादैनौं भनेर आन्दोलन गर्ने अनि सप्तरी डुबेको बेला दुतावासमा पुगेर डिनरमा रमाउन मिल्छ र ?’

नेता रावलले चुनावमा भाग लिने वा नलिने वा के गर्ने भन्नेबारे छलफल गर्न राजपा नेपालका नेताहरु दुतावास जानु अन्र्तराष्ट्रिय कानुन र भियाना कन्भेन्सनको विपरित रहेको समेत आरोप लगाए । उनले यसरी आन्तर्राष्ट्रिय कानुन विपरितको काम गर्ने कसैलाई छुट नभएको बताए ।

उनले तराई मधेशका जनताले चुनाव चाहिरहेकाले जनताको मत हाल्ने अधिकारलाई बञ्चित नगर्न राजपालाई आग्रह गरे । उनले भने, ‘आफूचाहीँ संसदमा प्रधानमन्त्री चयन गर्न मतदान गर्न जाने, अनि जनतालाई आफ्नो मत हाल्नबाट बञ्चित गर्ने, यो कस्तो राजनीति हो ?’

प्रतिकृया दिनुहोस