मतदान हुन बाँकी स्थानमा एकीकृत समाजवादीलाई भोट हाल्न माओवादी नेता शर्माको अपिल

Himal sharma

काठमाडौं । सत्ता घटक दल नेकपा (एकीकृत समाजवादी) ले मंशिर ४ मा सम्पन्न प्रतिनिधि तथा प्रदेश सभाको निर्वाचनमा थ्रेस होल्ड कटाउन मुस्किल परेपछि नेकपा माओवादी केन्द्रका नेता हिमाल शर्माले मतदान हुन बाँकी केन्द्रमा एकीकृत समाजवादीलाई समानुपातिकमा भोट हाल्न अपिल गरेका छन् ।

बुधबार सामाजिक सञ्जालमार्फत नेता शर्माले मतदान हुन बाँकी रहेका मतदान केन्द्रहरुमा समानुपातिक तर्फ एकीकृत समाजवादीको चुनाव कलममा भोट हालेर राष्ट्रिय पार्टी बनाउन सहयोग गर्न गठबन्धनलाई सुझाव दिएका छन् ।
उनले गठबन्धनको बहुमत नपुग्ने अवस्था आएकोप्रति मध्यनजर गर्दै बाँकी गणनामा तीन प्रतिशत पुगोस् भनेर कामना गरौँ, अपुग भए समाजवादीलाई समानुपातिकमा भोट बढाउन सहयोग गर्नु नै उत्तम विकल्प हुने सुझाव दिए ।

उनले लेखेका छन्, ‘पहिलो कुरा अबको बाँकी गणनामा आफैँ तीन प्रतिशत पुगोस् कामना गरौँ ! थोरैले अपुग हुन गएमा अब चुनाव हुन बाँकी रहेका मतदान केन्द्रमा प्रतिनिधिसभाको समानुपातिकतर्फ कलम चिह्नमा मतदान गरेर नेकपा (एकीकृत समाजवादी) लाई राष्ट्रिय पार्टी निर्माण हुनमा सहयोग गरौँ !’

 

प्रतिकृया दिनुहोस