ह्वात्तै बढ्यो कोरोनाबाट मृत्यु हुनेको संख्या, आज १६ जनाको मृत्यु

काठमाडौं । पछिल्लो २४ घण्टामा नेपालमा कोरोना संक्रमणबाट मृत्यु हुनेको संख्या ह्वात्तै बढेको छ । यसअघि शुक्रबारसम्म बढीमा ४ जनाको मात्रै मृत्यु भएको थियो । तर, आज एक्कासी मृतकको संख्या ह्वात्तै बढेको हो ।

शुक्रबार ३ कोरोना संक्रमितको मृत्यु भएकोमा शनिबार एकैदिन १६ जनाको मृत्यु भएको छ ।  तेस्रो चरणको यो महामारीमा कोरोना संक्रमणबाट मृत्यु हुनेको संख्या यो धेरै हो । यससँगै नेपालमा कोरोनाबाट मृत्यु हुनेको संख्या ११ हजार ६५१ पुगेको छ ।

नेपालमा पछिल्लो २४ घण्टामा थप १० हजार २५४ जनामा कोरोना संक्रमण भएको छ ।