छुरा प्रहार गरी बेलायती सांसदको हत्या

बेलायतमा शुक्रबार छुरा प्रहार गरी एक सांसदको हत्या भएको छ ।

सत्तारुढ दल कन्जरभेटिभ पार्टीका सांसद डेभिड अमेसलाई चर्चमा एक जनाले छुरा प्रहार गरेका थिए । गम्भीर अवस्थामा अस्पताल लगिएका उनलाई चिकित्सकले मृत घोषित गरेका हुन् । अमेस करिब चार दशकदेखि सांसद थिए । हमलाकारीको उमेर २५ वर्ष बताइएको छ ।

प्रहरीले हमलाकारीलाई हत्यामा प्रयोग भएको छुरासहित नियन्त्रणमा लिएको छ ।

रोयटर्स समाचार एजेन्सीका अनुसार चर्चमा आफ्नो क्षेत्रका जनतासँग कुरा गरिरहेको समयमा सांसद अमेसमाथि हमला भएको हो ।