एटलेटिको म्याड्रिडको जितमा जोआओ फेलिक्सको दुई गोल

काठमाडौँ । स्पेनिस ला लिगाअन्तर्गत एटलेटिको म्याड्रिडले काडिजमाथि सहज जित हासिल गरेको छ । गएराती सम्पन्न खेलमा एटलेटिको म्याड्रिडले काडिजलाई ४–० गोल अन्तरले पराजित गरेको हो ।

एटलेटिकोको जितमा जोआओ फेलिक्सले दुई गोल गरे भने लुइस स्वरेज र मार्कोस लिओरेंटले एक एक गोल गरेका थिए । यस खेलमा फेलिक्सले स्वरेजको गोल असिस्ट समेत गरेका थिए ।

यो जितपछि एटलेटिको ला लिगाको शिर्ष स्थानमा उक्लिएको छ । एटलेटिकोको ७ खेलमा १७ अंक रहेको छ । त्यस्तै काडिजको ९ खेलमा १४ अंक रहेको छ ।