काठमाडौंको एक गेष्ट हाउसमा युवती मृत फेला

काठमाडौँ । काठमाडौंको कोटेश्वरमा रहेको पाथीभरा भोजनालय एण्ड गेष्ट हाउसमा एक युवती मृत फेला परेकी हुन् । काठमाडौं महानगरपालिका–३२ कोटेश्वर महादेवस्थान नजिकको हाउसको २०४ नम्बर कोठामा ती युवतीको शव फेला परेको प्रहरी प्रधान कार्यालयले जनाएको छ ।

मृतक ललितपुरकी २५ वर्षीया अनु थापा मगर हुन् । मंगलबार राति सो होटलमा आएर बसेको महानगरीय प्रहरी वृत्त, बानेश्वरका डिएसपी दक्ष बस्नेतले बताए । उनको मृत्युको कारण भने पुष्टि भइसकेको छैन । यद्यपी प्रहरीले लागुऔषध पनि भेटाएको बताएको छ । उनको शव पोष्टमार्टमको लागि महाराजगञ्जस्थित टिचिङ अस्पतालमा राखिएको छ । घटनाबारे थप अनुसन्धान भइरहेको प्रहरीले जनाएको छ ।