बलिउडकी चर्चित कोरियोग्राफर सरोज खानको निधन

काठमाडौं । बलिउडकी चर्चित कोरियोग्राफर सरोज खानको निधन भएको छ । हृदयघात भएपछि गत महिना मुम्बईको गुरू नानक अस्पताल भर्ना गरिएकी उनको बिहिबार राति मृत्यु भएको भारतीय सञ्चार माध्यमहरूले जनाएका छन् ।

७२ बर्षिया खानलाई जुन १७ मा सास फेर्न समस्या भएपछि अस्पताल भर्ना गरिएको थियो । सरोजका पतिसँगै दुई छोरी र एक छोरा छन् । बलिउडमा झण्डै ४ दशक काम गरेकी सरोजले ४ हजारभन्दा बढी गीतमा नृत्य निर्देशन गरेकी छन् ।