ट्याक्सी समितिका कर्मचारीमाथि तरवार प्रहार
तुलसीपुर । तुलसीपुरमा ट्याक्सी समितिका कर्मचारी गणेश हमालमाथि तरवार प्रहार भएको छ ।
असिमसिंह राठोरले गणेश हमाललाई सल्यान रोडस्थित ट्याक्सी काउन्टरमा तरवार प्रहार गरेको इलाका प्रहरी कार्यालय तुलसीपुरले जनाएकोे छ ।
तरवार प्रहारबाट घाइते हमालको टाउको, हात र खुट्टामा गहिरो चोट लागेको छ । उनलाई प्रादेशिक अस्पताल तुलसीपुरको प्रारम्भिक उपचारपछि नेपालगञ्ज मेडिकल कलेज कोहोलपुर रिफर गरिएको छ ।
उपचारमा संलग्न चिकित्सकहरुका अनुसार उनको अवस्था गम्भीर रहेको छ । तरवार प्रहार गर्ने राठोरलाई तवार सहित प्रहरीले पक्राउ गरेको छ । पक्राउ परेका राठोर र घाइते हमाल दुवै अपराधिक पृष्ठभुमीका व्यक्ति रहेको बताइएको छ ।
प्रहरीका अनुसार राठोर यसअघी डाँकाचोरी, ज्यानमार्ने उद्योग, सार्वजनिक अपराध जस्ता अपराधमा संलग्न थिए भने हमाल पनि ज्यान मार्ने उद्योग र सार्वजनिक अपराध जस्ता मुद्दा खेपेका व्यक्ति हुन् ।
प्रतिकृया दिनुहोस