विशेष कानुन बनाएर पिछडिएका समूदायको संरक्षणः कानुनविद् दाहाल

Kanuna bid

काठमाडौं । कानुनविद् डा. काशिराज दाहालले आदिवासी, जनजातीलगायतका पिछडिएका समूदायको सशक्तिकरणका लागि संवैधानिक व्यवस्था अनुसार विशेष कानुन बनाउनुपर्ने बताएका छन् ।

उनले संविधानको धारा १८ मा पिछडिएका समूदायका लागि विशेष कानुन बनाउने व्यवस्था गरिएको उल्लेख गर्दै त्यसमा ढिलाई गर्ने छुट सरकारलाई नरहेको पनि स्पष्ट पारे ।

नेपाल आदिवासी जनजाती पत्रकार महासंघले बुधबार काठमाडौंमा आयोजना गरेको एक कार्यक्रममा बोल्दै उनले सामाजिक विभेद अन्त्यका लागि संविधानमै कमजोर समुदायलाई अघि बढाउने व्यवस्था गरिएको पनि स्मरण गराए । कानुनविद् दाहालले पिछडिएका समूदायलाई समान अवसर प्रदान गर्न पनि राज्यले विशेष संरक्षणको नीति लिनुपर्ने तर्क गरे ।

कानुन्विद् दाहालले राज्यका निकायमा सबै समुदायको समानुपातिक प्रतिनिधित्व सुनिश्चित गर्न पनि आवश्यक कानुन तर्जुमा गर्न सरकारको गम्भिर ध्यानकर्षण गराए ।

उनले सबै समुदायको राज्यमा समानुपातिक प्रतिनिधित्व, पहुँच र पहिचान नभएकै कारण विगतमा नेपाल पनि द्धन्द्धमा फस्न पुगेको यथार्थ भुल्न नहुने स्मरण गराए ।

 

प्रतिकृया दिनुहोस

साताको लोकपृय

ब्रेकिङ : लाग्यो कपिलवस्तुको कृष्णनगरमा अनिश्चितकालीन कर्फ्यू

Kapitbartu karfyu

काठमाडौं । कपिलवस्तुको कृष्णनगरमा हिन्दु र मुस्लिम समुदायबीच झडप भएपछि आज साँझ ५ बजेदेखि कर्फ्यू ...