एटलेटिकोले जित्यो युरोप लिग

लियोन । एन्टोन ग्रिजमनको दुई गोलको मदतले एटलेटिको म्याड्रिडले बुधबार राति मार्सेलाई ३–० ले हराउँदै युरोपालिग जितेको छ ।

पछिल्लो ९ वर्षमा एटलेटिकोले युरोपा लिग जितेको यो तेस्रो अवसर हो।ग्रिजमनले २१ र ४९ औँ मिनेटमा गोल गरे। कप्तान ग्याबीले खेल सकिन एक मिनेट अगाडि तेस्रो गोल थपे। एटलेटिकोले सन् २०१० र २०१२ मा पनि युरोपालिग जितेको थियो।

एटलेटिको युरोपेली क्लब फुटबलमा पछिल्लो समय प्रमुख शक्तिका रूपमा रहेको छ। स्पेनी ला लिगामा बार्सिलोना र रियल म्याड्रिडका वर्चश्व तोडेर सन् २०१३–१४ को लिग जितेको एटलेटिको प्रदर्शन नियमित रूपमा उत्कृष्ट रहेको छ।