मनाङको विकास पर्यटन, सडक स्तरोन्नति र जलविद्युत् जनताको चासो

Manang

मनाङ ।  प्रतिनिधिसभा र प्रदेशसभाको निर्वाचन सकिएपछि मनाङको विकासका लागि मनाङवासीमा आफ्नो ठाउँको विकासको लागि चासो बढेको छ । 

भौगोलिकदृष्टले दुर्गम क्षेत्रको ‘क’ वर्गमा परेको यस जिल्लाको विकास कता जाने र कस्तो किसिमको विकास आवश्कता परेको भन्ने यहाँका मानिसमा छलफल हुने गरेको छ । 

यहाँका मानिसको मुख्य पेशा कृषि, होटल व्यवसाय र पशुपालन हो । करिब तीन हजार मिटरदेखि चार हजार ६०० मिटर उचाइमा गाउँ बस्ती रहेका छन् । यहाँ विश्वकै अग्लो स्थानमा रहेको तिलिचो ताल चार हजार ६०० मिटर उचाइमा रहेको आइस लेक, गंगापूर्ण ताललगायतका थुप्रै हिमताल मनाङका पर्यटकका रोजाइमा पर्दछन् । त्यस्तै नेपालकै महत्वपूर्ण पदमार्गको रुपमा रहेको अन्नपूर्ण पदमार्ग यसै क्षेत्रमा रहेकाले पनि अझ थप आर्कषणमा रहेको छ । 

यस क्षेत्रलाई बेँसीशहर चामे सडकले जोडेको छ । मनाङ प्रवेशको एउटा मात्रै मोटर बाटो भएता पनि यो बाटो साँगुरो र अग्ला भिर काटेर बनाइको हुनाले बाटो आफैँमा जोखिम रहेको छ । 

जोखिम मोल्दै भए पनि पर्यटन कर्मचारीलगायत सम्पूर्ण मनाङवासी आवतजावत गरिरहेका छन् । मनाङलाई समृद्धि बनाउन जलविद्युत्, वैकल्पिक पदमार्ग र सडक विस्तारको आवश्यकता रहेको स्थानीय होटल व्यवसायी अनिता लामाले बताइन् । 

मनाङ विश्व मानचित्रमा प्रख्यात पर्यटन क्षेत्रका रुपमा चिनाइसकेको भएता पनि आन्तरिक पर्यटनलाई मनाङ धेरैभन्दा धेरै भित्र्याउनु नै मनाङको उज्वल भविश्य हुने पर्यटन व्यवसायी संघका अध्यक्ष विनोद गुरुङले भनाइ छ । 

प्रतिकृया दिनुहोस

साताको लोकपृय

धनकुटाका पत्रकार पूर्ण चौधरीको निधन

Purna chaudhari

धनकुटा । नेपाल पत्रकार महासंघ धनकुटाका सहसचिव पूर्ण चौधरीको निधन भएको छ । ३५ वर्षीय चौधरीको आज ध...