पेस्तोलसहित युवक पक्राउ

धनुषा, । जनकपुर उपमहानगरपालिका– १० स्थित अप्सरा होटल एन्ड गेष्ट हाउसबाट हतियारसहित एक युवक पक्राउ परेका छन् ।

वीरगन्ज उपमहानगरपालिका– १९ बस्ने २२ वर्षीय सुरज साह सोनार एक थान पेस्तोलसहित पक्राउ परेको जिल्ला प्रहरी कार्यालय धनुषाले जनाएको छ ।

उनको साथबाट पेस्तोल, मोबाइल एक एक थान र पेस्तोलमा लाग्ने गोली चार थानलगायतका सामग्री बरामद भएको प्रहरी उपरीक्षक लालमणि आचार्यले बताए ।