बढ्यो कोरोना संक्रमण : ५६४ जनामा कोरोना पुष्टि, १ जनाको मृत्यु

काठमाडौं । पछिल्लो दिन नेपालमा कोरोना संक्रमण बढेको बढ्यै छ । सोमबार देशभर ५६८ जना कोरोनाको नयाँ संक्रमित थपिएकोमा मंगलबार ६३८ जनामा कोरोना संक्रमण पुष्टि भएको थियो । आज फेरी सो संख्या बढेको छ ।

पछिल्लो २४ घण्टामा ५६४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार चार हजार ४५४ जनामा गरिएको परीक्षणमा ५६४ जनामा संक्रमण पुष्टि भएको हो ।

दुई हजार ७७८ पीसीआर परीक्षणमा ४१८ र एक हजार ६७६ एन्टिजेन परीक्षणमा १४६ जनामा संक्रमण देखिएको हो । हाल नेपालमा कोरोना भाइरसको सक्रिय संक्रमितको संख्या तीन हजार ९२९ पुगेको छ ।

पछिल्लो २४ घण्टामा कोरोना संक्रमणमुक्त हुनेको संख्या २०२ रहेको छ । त्यस्तै कोरोना संक्रमणका कारण पछिल्लो २४ घण्टामा एकजनाको मृत्यु भएको छ ।