पछिल्लो २४ घण्टामा थप २ हजार ५२६ जनामा संक्रमण पुष्टि, १६ जनाको मृत्यु

काठमाडौँ । नेपालमा पछिल्लो २४ घण्टामा थप २ हजार ५२६ जनामा कोरोना भाइरसको संक्रमण पुष्टि भएको छ।

स्वास्थ्य मन्त्रालयका अनुसार गत २४ घण्टामा कोरोना संक्रमणबाट १६ जनाको मृत्यु भएको छ।यससँगै हालसम्म कोरोना संक्रमणबाट मृत्यु हुनेको संख्या ११ हजार ७९४ पुगेको छ।

शुक्रबार ८ हजार ४२५ जना कोरोना संक्रमणमुक्त भएको स्वास्थ्य मन्त्रालयले जनाएको छ। हाल देशभर ५६ हजार ४५७ जना सक्रिय संक्रमित रहेका छन्। गत चौबीस घन्टामा ६ हजार ६५५ पीसीआर तथा ४ हजार ४१८ एन्टिजेन परीक्षण भएको छ।