थप २१३ जनामा कोरोना संक्रमण, ३२५ जना संक्रमणमुक्त

काठमाडौँ । नेपालमा पछिल्लो २४ घण्टामा थप २१३ जनामा कोरोना संक्रमण पुष्टि भएको छ।

स्वास्थ्य मन्त्रालयका अनुसार पछिल्लो २४ घण्टामा ३ जना कोरोना संक्रमितको मृत्यु भएको छ। यससँगै हालसम्म देशभर कोरोनाबाट मृत्यु हुनेको संख्या ११ हजार ५ सय २१ पुगेको छ।

शनिबार ३२५ जना कोरोना संक्रमणमुक्त भएका छन्। हाल देशभर ७ हजार १५६ सक्रिय संक्रमित रहेका छन्। गत चौबीस घन्टामा ४ हजार ९०७ पीसीआर तथा १ हजार ७२५ एन्टिजेन परीक्षण भएको छ।