पछिल्लो २४ घण्टामा थप ४०८ जना कोरोना संक्रमित थपिए, ५१५ जना डिस्चार्ज

काठमाडौँ । नेपालमा पछिल्लो २४ घण्टामा थप चार सय ८ जनामा कोरोना संक्रमण पुष्टि भएको छ ।

सात हजार ८ सय ९९ जनाको परीक्षण गर्दा चार सय ८ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जानकारी दिएको छ ।

त्यसैगरी आज देशभर पाँच सय १५ जना कोरोना संक्रमित निको भएका छन् । नेपालमा सक्रिय संक्रमितको संख्या ९ हजार तीन सय १७ पुगेको मन्त्रालयले जनाएको छ । आज ८ जना कोरोना संक्रमितको मृत्यु भएको छ ।