इराकमा आइएसको आक्रमण, सात प्रहरीको मृत्यु

एजेन्सी । इराकमा आइएसको आक्रमणमा परी ७ जना प्रहरीको मृत्यु भएको छ । सलाहुद्दिन प्रान्तमा शनिबार साँझ इराककी सेना र त्यहाँको प्रहरीको संयुक्त सुरक्षागस्तीले इराकको एक सशस्त्र समूह सवाहका लडाकूहरुलाई कारबाही गरेको थियो । सो कारबाहीमा परी ती समूहका केही लडाकू मारिएका थिए ।

त्यसपछि यो आक्रमणको घटना भएको बताइएको छ । यसमा आइएसको हात रहेको इराकी प्रहरीले जनाएको छ । उक्त स्थानमा पछिल्ला केही दिनदेखि आइएसले आक्रमण तीब्र पारेको छ ।