मन्त्रीपरिषद्को बैठक बस्दै, कोरोनासँग सम्बन्धित नयाँ निर्णय हुन सक्ने

काठमाडौँ । बिहीबार साँझ मन्त्रिपरिषद् बैठक बस्ने भएको छ । साँझ ५ बजे बस्ने भएको बैठकमा मन्त्रालयगत एजेण्डामा छलफल हुने सरकारका प्रवक्ता समेत रहेका परराष्ट्रमन्त्री प्रदीपकुमार ज्ञवालीले जानकारी दिए ।

मन्त्रिपरिषद‍्को नियमित बैठक साताको सोमबार र बिहीबार बस्ने गरेको छ । आज स्वास्थ्य मन्त्रालयको प्रस्तावमा कोभिड १९ सँग सम्बन्धित नयाँ केही निर्णयहरु हुन सक्छन्’ मन्त्री ज्ञवालीको भनाइ छ ।

स्वास्थ्य मन्त्रालयले सक्रिय संक्रमितकोे संख्या २५ हजार पुगेपछि लकडाउन गर्न गरेको सिफारिसका बारेमा केही निर्णय हुन्छ कि भन्ने प्रश्नमा उनले भने, ‘देशभर त अब लकडाउन हुन्न तर संक्रमितको अवस्था हेरिकन आवश्यकता अनुसार निर्णयहरु हुन सक्छन् ।’