कांग्रेसका आमन्त्रित सदस्यको यस्तो छ गोरख धन्दा, यसरी छलियो कर

Aananda bist usa 25 asar 077

न्युयोर्क (अमेरिका) । नेपाल सरकारले नागरिकता विधेयकबारे छलफल चलाइरहेका बेला नेपाली कांग्रेसका आमन्त्रित केन्द्रिय सदस्य आनन्द विष्ट (गोरख) अमेरिकी ग्रीन कार्ड होल्डर भएको खुलेको छ ।

पार्टी सभापति शेरबहादुर देउवाले विदेशस्थित जनसम्पर्क समिति मध्येबाट ग्रीन कार्डधारी विष्टलाई एक वर्षअघि मात्रै आमन्त्रित केन्द्रिय सदस्यमा विष्टलाई मनोनित गरेका थिए । उनी पार्टीलाई प्रभाव र दवावमा राख्नसक्ने व्यक्ति हुन् । त्यही भएर पनि उनलाई नेपाली कांग्रेसले आमन्त्रित सदस्य मनोनित गरेको हो । तर अहिले उनको व्यवहारले सबै आजित भइसेको छन् । 

नेपाली कांग्रेसको विधानले पनि ग्रीन कार्ड, पिआर र डिवी भएका व्यक्तिलाई कुनै पनि जिम्मेवार पद दिन मिल्दैन । तर पहुँचकै भरमा उनलाई आमन्त्रित केन्द्रिय सदस्यमा मनोनित गरिएको छ ।

नेपाली कांग्रेसमा सहमहामन्त्री प्रकाशशरण महत र सभापति पत्नी डा. आर्जु राणासँग निकट सम्बन्ध रहेका विष्टले सन् २०१५ मा गएको विनासकारी भुकम्पका बेला अमेरिकामा उठाइएको ठूलो रकम दुरुपयोग गरेको आरोप पनि पटकपटक लाग्दै आएको छ ।

अमेरिकामा महत र आर्जु राणासँग सम्बन्ध राम्रो बनाएकै कारण पुरस्कार स्वरुप आर्जुको दयामा सभापति देउवाले आमन्त्रित केसमा पदमा मनोनित गरेका थिए ।

डोटी जिल्लामा जन्मिएका विष्ट सन् १९९८ मा अमेरिका छिरेका थिए । विष्टले माओवादी द्धन्द्धलाई कारण देखाउँदै सन् २००९ मा अमेरिकी ग्रिन कार्ड पाएका थिए । त्यसयता उनी अमेरिकामै बस्दै आएका छन् ।

जनसम्पर्क समिति नै विवादमा
त्यसो त नेपाली जनसम्पर्क समिति अमेरिका यिनै विष्टका कारण आर्थिक अनियमितता र चरम विवादमा फसेको छ । विगत ६ वर्षदेखि अधिवेसन नगरी आफ्नो पदावधी लम्ब्याएका विष्टले नेपालीहरुबाट उठाइएको चन्दा सहयोग सिधैं आर्जु राणा र महतलाई दिने गरेका छन् ।

उनी हाल मण्डलेसँग मिलेर काम गर्दा कांग्रेसमा असन्तुष्टी बढेको छ । उनकै कार्यशैलीका कारण विजयकुमार थुलुङले कोषाध्यक्ष पदबाट राजीनामा दिएका छन् । महासचिव मुनिन्द्र नेङवाङबीच हाल बोलचाल नै बन्द छ ।

हालै भएको जुम बैठकमा जनसम्पर्क समितिका केन्द्रिय सदस्य प्रमोद सिटौलाले खुलेरै हुण्डिमार्फत पठाइएको १ लाख ३० हजार डलर कहाँ गयो भनेर सोधेका थिए । त्यतिबेला उनले बैंकमार्फत नेपाल पठाएको दावी गरेपछि सबैको प्रमाण मागेका थिए । जुम बैठकको भिडियो निशान न्युजसँग सुरक्षित छ ।

भित्रभित्रै नेपाली र नेपालका लागि भन्दै उठाइएको ठूलो रकमबाट विष्टले पेन्सलभेनिया र ओहायो राज्यमा २ वटा खरिद गरेका छन् । पेशाले ट्याक्सी ड्राइभर रहेका विष्टकी श्रीमति सामान्य काम गर्छिन् । तर, यति सानो कमाईले न्युयोर्क जस्तो महंगो शरहमा बसेर पनि दुई वटा घर कसरी ठडियो भन्ने प्रश्न उब्जिएको छ ।

यसरी छलियो कर
सन् २००७ मा अमेरिकामा नेपाली कांग्रेसको भात्रृ संस्थाको रुपमा नेपाली जन सम्पर्क समिति अमेरिका दर्ता भएको थियो । तर, विष्ट सन् २००९ मा न्युयोर्कमा आफ्नै नाममा सोही नामको अर्काे संस्था दर्ता गरेका थिए ।

पछि नेपाली कांग्रेसले हस्तक्षेप गरेर सन् २०१४ मा दुबै संस्थालाई एक बनाउन एकता महाधिवेसन गराएको थियो । सो महाधिवेसनमा विष्ट नै सभापति निर्वाचित भएका थिए । त्यसयता उनी लगातार रुपमा सभापति छन् ।

यो पुरानो जनसम्पर्क समितिमा सबैको हिस्सा रहने हुँदा आफुखुसी गर्न पाएनन् । उनले अहिले आफ्नै घरको ठेगाना राखेर नेपाली जनसम्पर्क समिति नामकै अर्काे संस्था दर्ता गराएका छन् ।

उनले पुरानो संस्थाबाट उठाइएको १ करोड ३५ लाख रुपैयाँ हुण्डि र गैरकानुनीमार्फत नेपाल पठाइएका छन् । न्यु जर्सी र न्युयोर्क च्याप्टरले ४७ हजार डलर नगद बुझाएको पनि खुल्न आएको छ र त्यसको लेखाजोखा नै छैन । उनले पार्टीलाई भनेर पठाइएको सो रकम कसको खातामा गयो भनेर अहिलेसम्म खोजी भएको छैन, जुन पैसा पार्टीको खातामा जम्मा भएको देखिँदैन ।

मेरो चरित्र हत्या गर्न खोजियो : विष्ट
उनी पटकपटक विवादमा पर्दै आएका छन् । यसअघि पनि निशान न्युजले विष्टको विषयमा समाचार प्रकाशित गरेको थियो । हाल कर छली गरेको, जनसम्पर्क समितिको विषयमा निशान न्युजले जिज्ञासा राखेको थियो ।

उनले आफ्नो चरित्र हत्या गर्न खोजिएको बताएका छन् । ‘मेरो चरित्र हत्या गर्न खोजिँदैछ’ उनले निशान न्युजसँग टेलिफोनमा भने, ‘मेरो संस्थाले कारवाही गरेको छ । त्यही रिसमा मेरो चरित्र हत्या गर्नेगरी उहाँहरु लागिरहनु भएको छ ।’

जुम बैठकमा सहभागीहरुले भुकम्पका बेलादेखि हालसम्म उठाइएको पैसा कहाँ गयो ? खोइ हिसाव किताव देखाउनु पर्दैन भनी प्रश्न गरेका थिए । उनले उत्तरमा आफुले बैंकमार्फत नै पठाइएको दावी गरे । निशान न्युजसँग पनि भुकम्पको बेला पैसा पठाइको बताए ।

‘मैले बैंक टु बैंक पैसा पठाइएको छु’ उनले भने ‘एक पैसा पनि हिनामिना गरिएको छैन । म सबैं हिसाव देखाउन तयार छु । तर, त्यसरी अनावश्यक रुपमा आरोप लगाउन पाइदैन । मेरो चरित्र हत्या गर्न पाइँदैन ।’

प्रतिकृया दिनुहोस

साताको लोकपृय

आज साउन २४ गते शनिबार, शनी भगवानको दर्शन गर्दै हेर्नुस् आजको राशीफल

Rashi sabibar shanidev

मेष (चु, चे, चो, ला, लि, लु, ले, लो, अ) आँटेका काम बन्ने सङ्केत छैन । मुख्य काममा बाधा हुने देखिन...