नयाँ दल नेकपा एमालेमा २१ जना पदाधिकारी, को को छन् ? (नामसहित)

Nirbachan aayog

काठमाडौं । तत्कालीन नेकपा एमाले र माओवादीबीच एकता भएर नेकपा गठन भइसकेपछि एमाले अस्तित्वमा नरहेको बेला नेकपा एमाले नाममा पार्टी दर्ताका लागि निर्वाचन आयोगमा निवेदन परेको छ ।

यतिसम्मकी नेकपा एमाले नामको पार्टी नेकपाका अध्यक्षसमेत रहेका प्रधानमन्त्री केपी शर्मा ओलीको निर्देशनमा दर्ता गराइएको पनि भनियो । मंगलबार स्थायी कमिटी बैठकमा त नयाँ पार्टी दर्ता ओलीले नै गराएको हो भने उपाध्यक्ष वामदेव गौतमले प्रमाण पेश नै गर्न खोजे ।

त्यति बेलासम्म नयाँ पार्टीको रुपमा दल दर्ताको प्रक्रियामा रहँदा को को छन् भन्ने थाहा थिएन । तर, असार १४ गते निर्वाचन आयोगमा नेकपा एमाले दर्ताका लागि परेको निवेदनमा २१ जना पदाधिकारी रहेको सार्वजनिक भएको छ ।

आवेदनमा दलको नाम, कार्यसमितिकोे पदाधिकारीहरुको नाम, विधान, घोषणापत्र, विनियमावली लगायतका कागजातहरु, झण्डा, चिह्न पनि पेश भइसकेको आयोगले जनाएको छ ।

नेकपा एमाले दर्ताका लागि दिएको निवेदनमा अध्यक्षमा सन्ध्या तिवारी (विराटनगर–६ मोरङ), उपाध्यक्षमा भगवती खड्का (रामेछाप) र महासचिवमा मनिस कुमार उपाध्यक्ष (जनकपुर) रहेका छन् ।

यसैगरी सचिवहरुमा अस्मिता सुनार (खोटाङ), दावा लामा (सर्लाही), जयराम राउत (रौतहट), खगेन्द्र प्रसाद भुषाल (पर्वत), राधा पुरी (अर्घाखाँची), हिराबहादुर बोहोरा (डोल्पा) र तारादेवी शाही (बाझुरा) रहेका छन् ।

त्यस्तै सदस्यहरुमा पवन विष्ट (स्युचटार, काठमाडौं), निलम पोखरेल (झापा), किरण लामिछाने (गोठाटार, काठमाडौं), उमेश महत्तो (सर्लाही), उषाकुमारी झा (धनुषा), प्रदिपराज गिरी (गोठाटार, काठमाडौं), पूर्णीमा तामाङ (काभ्रे), निश्चित बस्नेत (सिरहा) र सञ्जिब विष्ट (गोठाटार, काठमाडौं) नेकपा एमाले पदाधिकारीहरु रहेका छन् ।

प्रतिकृया दिनुहोस

साताको लोकपृय

आज साउन २४ गते शनिबार, शनी भगवानको दर्शन गर्दै हेर्नुस् आजको राशीफल

Rashi sabibar shanidev

मेष (चु, चे, चो, ला, लि, लु, ले, लो, अ) आँटेका काम बन्ने सङ्केत छैन । मुख्य काममा बाधा हुने देखिन...