स्थायी कमिटीको दोस्रो दिनको बैठकमा किन अनुपस्थित रहे प्रधानमन्त्री ओली ? यस्तो छ कारण

Pm oli 11

काठमाडौं । नेपाल कम्युनिष्ट पार्टी (नेकपा) को स्थायी कमिटी बैठकमा प्रधानमन्त्रीसमेत रहेका केपी शर्मा ओली अनुपस्थित भएका छन् ।
बैठक पुष्पकमल दाहालले अध्यक्षता गरेर सञ्चालन भएको छ । बिहान ११ः४५ मा सुरु भएको बैठकमा प्रधानमन्त्री ओली सहभागी भएका छैनन् ।

प्रधानमन्त्री ओलीले आफूविरुद्ध सबैजना एक ठाउँमा उभिएको भन्दै असन्तुष्टि जनाएर ओली बैठकमा सहभागी नभएका हुन् । विभिन्‍न सात एजेण्डा तय भएपछि बसिरहेको स्थायी कमिटीको दोस्रो दिनको बैठकमा प्रधानमन्त्री अनुपस्थित भएका हुन् ।

प्रधानमन्त्रीसमेत रहेका अध्यक्ष ओली र पार्टीका कार्यकारी अध्यक्ष पुष्पकमल दाहाल प्रचण्डबीच बैठकको उद्घाटन सत्रमा आरोप प्रत्यारोप भएको थियो । ओलीले त्यसबेला सरकारले चौतर्फी राम्रो काम गरिरहेको बताएका थिए भने प्रचण्ड र नेपालले कडा आलोचना गरेका थिए । प्रचण्डले ओलीले अहिले कपटी राजनीति गरेकाले आफूले विगतका सम्झौताबाट पछि हट्नु गल्ती भएको बताएका थिए ।

वरिष्ठ नेता नेपालले ओलीका कुरा पटक पटक सुन्दा सुन्दा कान थाकिसकेको भन्दै कटाक्ष गरेका थिए । नेता नेपालले सरकारको असफलता हेर्न आफूसँगै सडकमा निस्किन ओलीलाई चुनौती दिएका थिए ।

बैठकमा तय भएका ७ एजेन्डामा वर्तमान परिस्थिति र स्थायी कमिटीको बैठकका सम्बन्धमा अध्यक्षद्वयको सम्बोधन, कोभिड(१९ को नियन्त्रण, रोकथाम र उपचार, नेपालको सीमा समस्या र समाधान, सरकारको कामको समग्र समीक्षा, पार्टी कामको समीक्षा र सांगठानिक एकताको बाँकी कामहरू सम्पन्न गर्ने, एमसीसी र विविध छन् ।

विविधमा रूकुम घटना, नागरिकता विधेयक र संघीय संसदका सदस्यहरूको भत्ताको विषय समेटिएका छन् ।

प्रेस सल्लाहकार सूर्य थापाका अनुसार कार्यव्यस्ताका कारण प्रधानमन्त्री उपस्थित हुन नसकेको बताए । ‘उहाँ अहिले आफ्नो कामको व्यस्तताले बैठकमा उपस्थित हुन सक्नुभएको छैन’ थापाले भने, ‘तर उहाँ जतिबेला पनि बैठकमा आउन सक्नुहुन्छ ।’

प्रतिकृया दिनुहोस

साताको लोकपृय

आज असार महिनाको अन्तिम शनिबार, श्री शनि भगवानको दर्शन गर्दै हेर्नुस् आजको राशीफल यस्तो छ

Rashi sabibar shanidev

मेष (चु, चे, चो, ला, लि, लु, ले, लो, अ) केही खर्च लागे पनि सोचेको काम बन्नेछ । वैदेशिक कामकाजमा फ...