युरो छनोटमा ईटालीको सहज जित

एजेन्सी । युरो कप छनोटमा ईटालीले सहज जित हात पारेको छ । शनिबार राति भएको खेलमा ईटालीले फिनल्याण्डलाई २–० ले हराएको हो ।

सातौ मिनेटमा निकोलो बरेलाले गोल गर्दै ईटालिलाई सुरुवाती अग्रता दिलाएका थिए । युभेन्ट्सका युवा खेलाडी मोइज किनले ७४ औ मिनेटमा पहिलो अन्तराष्ट्रिय गोल गर्दै ईटालीको जित सुनिश्चित गरेका थिए ।

फरवार्ड टिमु पुकीले फिनल्याण्डका लागि राम्रा अवसर खेर फालेका थिए । ईटाली सन् २०१८ को विश्वकपमा छनोट हुन असफल भएको थियो ।

समुह जेमा रहेको ईटालीले महत्वपुर्ण तीन अंक जोडेको छ ।