सहिद स्मारक’बी’ डिभिजन लिगको उपाधि आरसीटीको पोल्टामा

रानीपोखरी कर्नर टिमले सहिद स्मारक ’बी’ डिभिजन लिगको उपाधि जितेको छ । मंगलबार भएको सुपर लिगको अन्तिम खेलमा श्री भगवती क्लबलाई १ – ० गोल अन्तरले पराजित गर्दै आरसीटीले उपाधि चुमेको हो ।

ललितपुरको सातदोबाटोस्थित एन्फा कम्प्लेक्समा आरसीटीलाई जित दिलाउन लोकेन्द्र बहादुर कार्कीले निर्णायक गोल गरे । उपाधिसंगै आरसीटीले ८ लाख नगद प्राप्त गरेको छ ।  उपविजेता श्री भगवतीले ५ लाख प्राप्त गर्यो ।