प्रहरीलाई घुस दिन खोज्ने २ टिपर चालक पक्राउ
काठमाडौँ । शनिबार राति बल्खुस्थित सडकमा सवारीसाधनको कागजात जाँच गर्ने क्रममा प्रहरीलाई ५०० रुपैयाँ घुस दिन खोज्ने टिपर चालक पक्राउ परेका छन् ।
बा ४ ख ६७७१ र बा ३ ख ६५६८ नम्बरका टिपर चालकसँग आवश्यक कागजात माग गर्दा उनीहरुले घुस दिन खोजेका थिए ।
पक्राउ पर्नेहरुमा मकवानपुरको थाहा नगरपालिका-४ घर भएका २३ वर्षीय ओमबहादुर कार्की र थाहा नपा-४ कै २४ वर्षीय लक्ष्य पन्त रहेका छन् । उनीहरु दुवैजना ललितपुरको नख्खुमा डेरा बस्दै आएका थिए ।
दुवैले आफूहरुसँग कागजपत्र नभएको बताउँदै ५०० रुपैयाँ घुस दिन खोजेपछि महानगरीय प्रहरी वृत्त कालीमाटीबाट खटिएका प्रहरी सहायक निरीक्षक धन सिंह ठकुरीले पक्राउ गरेका हुन् ।
प्रतिकृया दिनुहोस