सरकारले राम्रा कामहरु गरिरहेको छ: सञ्चारमन्त्री बास्कोटा

काठमाडौं । सुचना सञ्चार तथा प्रविधिमन्त्री गोकुल बास्कोटाले सरकारले राम्रा कामहरु गरिरहेको भए पनि केही काम गर्न नसकेको भन्ने भ्रम फैलाउने काम भएको भन्दै गुनासो गरेका छन् ।

नेपाल पत्रकार महासंघ रुपन्देहीको साधारणसभामा मन्त्री बास्कोटाले मिडियाले सरकारका राम्रा कामहरुबारे नलेखेको गुनासो पनि गरे । मिडियाले पनि राम्रा काम देखाउँदैनन् खाली नकारात्मक काममात्रै देखाउँछन् मन्त्री बास्कोटाले भने तर सरकार हल्लाको पछि नलागी आफ्नो गतिमा अघि बढेको छ ।

दुई तिहाई बहुमतको सरकारका कामबाट असन्तोष हुने अवस्था नरहेको भन्दै मन्त्री बास्कोटाले लोकतान्त्रिक प्रणालीमा सरकारले ड्याम, ड्याम काम गर्न भने नसक्ने बताए । प्रमुख प्रतिपक्षी दल कांग्रेसलाई इंगित गर्दै उनले कम्युनिस्ट नामसँग नतर्सिन आग्रह गरे ।

मन्त्री बास्कोटाले लोकतन्त्र कसैको निजि सम्पति नरहेको बताए । सत्ता गुमेको पीडामा लोकतन्त्रमाथि खतरा भएको, प्रेस स्वतन्त्रता हनन गर्न लागेको जस्ता अनेक हल्ला चलाइएको मन्त्री बास्कोटाको भनाइ थियो