डा. अन्जान शाक्य इजरायलका लागि नेपाली राजदूतमा नियुक्त

काठमाडौं, इजरायलका लागि नेपाली राजदूतमा डा. अन्जान शाक्य नियुक्त भएकी छिन् । राष्ट्रपति विद्यादेवी भण्डारीले संविधानको धारा २८२ को उपधारा १ अनुसार शाक्यलाई राजदूत नियुक्त गरेकी हुन् ।

गत पुस १६ गते बसेको मन्त्रिपरिषद्को बैठकले उनको नाम सिफारिस गरेको थियो । मन्त्रिपरिषद्को सिफारिसलाई संसदीय सुनुवाई विशेष समितिले अनुमोदन गरेपछि शाक्यलाई राजदूत नियुक्ति गर्ने बाटो खुलेको थियो ।