भारतलाई हराउँदै वेष्टइण्डिज विजयी

Is 1 525x300

काठमाडौं । भारत र वेष्टइण्डिजबीच भइरहेको तेस्रो एक दिवसीय क्रिकेटमा वेष्टइण्डिज विजयी भएको छ ।

तेस्रो एकदिवसीय खेलमा वेष्टइण्डिजले ४३ रनले विजयी भएको हो । २८४ रनको लक्ष्यसहित मैदान ओर्लेको घरेलु टोली भारत ४७.४ ओभरमा २४० रनमा समेटियो ।

कप्तान विराट कोहलीले १०७ रन बनाएका थिए । कोहलीको यस शृंखलाको तीन खेलमा लगातार तेस्रो शतक हो ।

बलिङतर्फ वेष्टइण्डिजका मार्लुन स्यामुयल्सले ३ तथा जेसन होल्डर, ओबेड मेकोय र एस्ले नर्सले समान २/२ विकेट लिए । यसअघि टस हारेर पहिले ब्याटिङ गरेको वेष्टइण्डिजले निर्धारित ५० ओभरमा ९ विकेट गुमाएर २८३ रन बनाएको थियो ।

१५५ रनमा तीन तथा १२१ रनमा ५ विकेटको स्थितीमा रहेको वेष्टइण्डिजको इनिङ साई होप र एस्ले नर्सले सम्हालेका थिए । साई होप ९५ रनमा पेभेलियन फर्के भने नर्सले ४० रन जोडे ।

त्यस्तै सिमरोन हेट्मायरले ३७ तथा कप्तान जेसन होल्डरले ३२ रन बनाए । बलिङमा भारतका जसप्रित बुम्राहले ४ विकेट लिए ।

यससँगै ५ एकदिवसीय क्रिकेट खेलको शृंखला एक(एकको बराबरी भएको छ । पहिलो खेलमा भारत विजयी भएको थियो भने दोस्रो खेल बराबरीमा सकिएको थियो । शृंखला अन्तर्गत चौथो खेल सोमबार हुनेछ ।

प्रतिकृया दिनुहोस