भारत र बंगलादेश एसिया कप उपाधिका लागि भिड्दै

काठमाडौं । एसिया कपको उपाधिका लागि भारत र बंगलादेश भिड्दै छन् ।

युएईमा जारी खेल नेपाली समय अनुसार साँझको पाँच बजेर १५ मिनेटमा हुँदैछ । सुपर चारको अंक तालिकामा बंगलादेश चार अंक सहित दोस्रो र भारत पाँच अंक सहित शिर्ष स्थानमा रहेको थियो ।

बंगलादेशले फाइनलसम्मको यात्रा तय गर्ने क्रममा पाकिस्तान विरुद्धको खेलमा ३७ रनको जित निकालेको थियो । भारतलाई सुपर चारको उसको अन्तिम खेलमा अफगानिस्तानले बराबरीमा रोकेको थियो ।

सात पटक एसिया कपको फाइनल पुगेको भारतले चार पटक उपाधि जितेको छ भने बंंगलादेशले एक पटक फाइनल खेलेको छ ।