सांसद् बन्न एमाले छिरेकी कोमल वली जिल्लराम

Komal oli 16

दाङ । भनिन्छ चोक्टा खान गएकी बुढी झोलमा डुवेर मरी’ यो नेपाली उखानझै भएको छ गायीका कोमल वलीका लागि ।

केके नै पाउँछु भनेर राप्रपा छोडेर एमाले प्रवेश गरेकी वलीका लागि कात्तिक १६ गते अफाब सावित भएको छ । सुरुमा एमालेले दाङबाट प्रतिनिधि सभा सदस्यको उम्मेदवार बनाउने आश्वासन पाएपछि ३ महिना एमाले प्रवेश गरेकी थिइन् ।

तर, मनोनयन एमालेले नपत्याएपछि उनी प्रतिनिधिसभा सदस्यका लागि दाङ क्षेत्र नम्बर ३ बाट स्वतन्त्र उम्मेदवारी दिएकी छन् । ३ महिनाअघि नेकपा एमालेका अध्यक्ष केपी ओलीको हातबाट टीका लगाउँदै राप्रपा त्यागेर एमाले भएकी कलाकार कोमल वली अन्ततः एमालेविरुद्ध बागी उठेकी छन् ।

उनलाई एमाले प्रवेश गराउँदा समानुपातिक वा प्रत्यक्षमा टिकट दिने शर्त थियो । तर, वाम गठवन्धनले एमालेका हिराचन्द्र केसीलाई दाङ –३ मा प्रतिनिधिसभा उम्मेदवार बनाएपछि उनको हरिविजोग भएको छ । एमालेविरुद्ध लागेकी वलीले आफुले जसरी पनि जित्ने दावी गरेकी छन् ।

मंगलबार अन्तिम समयसम्म उनलाई आधिकारिक उम्मेदवार भनिएको थियो । तर, मनोनयन दर्ता गर्ने दिन बिहीबार बिहान एमाले नेता शंकर पोखरेलले आफ्नो प्रयास सफल हुन नसकेको जानकारी गराएपछि उनी जिल्ल परेकी थिइन् । त्यसैको झोकमा उनले विहीबार स्वतन्त्र उम्मेदवार भनेर उम्मेदवारी दर्ता गराएकी छन् ।

‘म तीन महिनादेखि यहाँ निर्वाचनको तयारी गरिरहेकी थिएँ’, वलीले भनिन्, ‘मनोनयन दर्ता गराउने अन्तिम समयमा अर्को व्यक्तिलाई दिएपछि एमाले कार्यकताको दबावमा स्वतन्त्र उम्मेदवारी दिएकी हुँ ।’

प्रतिकृया दिनुहोस