सुनको भाउ एकै दिन तोलामा १ हजार बढ्यो

काठमाडौं । नेपाली बजारमा मंगलबार सुनको भाउ तोलामा एकै दिन एक हजार रुपैयाँले बढेको छ ।

मंगलबार सुनको मूल्य प्रतितोला ५६ हजार ५ सय रुपैयाँ पुगेको छ । हिजो सुन प्रतितोला ५५ हजार ५ सय रुपैयाँमा कारोबार भएको थियो ।

त्यस्तै, चाँदीको मूल्य पनि तोलामा १५ रुपैयाँले बढेको छ । मंगलबार चाँदीको मूल्य प्रतितोला ७ सय ७० रुपैयाँ पुगेको छ ।

हिजो चाँदी बजारमा प्रतितोला ७ सय ५५ रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।