एकदर्जन औषधि पसल बन्द

राजविराज, । औषधि व्यवस्था विभाग, विराटनगर कार्यालयले सप्तरीको राजविराज र रुपनीमा जसको नाममा पसल दर्ता छ सो व्यक्ति नै पसलमा अनुपस्थिति रहेकाले एदर्जन भन्दा बढी औषधि पसल बन्द गरिएको छ ।

अनुगमनका क्रममा अधिकांश औषधि व्यवसायीले बिनादर्ता औषधि व्यवसाय सञ्चालन गरेको, पाइएको छ ।औषधि विभागको कार्यालय विराटनगरले जनाएको छ ।

फार्मेसी अधिकृत विजय कार्कीले दिएको जानकारीअनुसार राजविराजमा रहेका अत्यन्त नाम चलेका अतुल फार्मेसी, लक्ष्मी मेडिकल हल, सिटी फार्मेसी, कृष्णा फार्मेसी र सङ्गीता मेडिकोलगायत र रुपनीमा रहेका औषधि पसल गरी एक दर्जन औषधि पसलमा औषधि बिनादर्ता र दर्ता नै नभएको र दर्ता भएको व्यवसायी नभई अर्कैले औषधि पसल सञ्चालन गरिएकाले यस्ता औषधि पसललाई बन्द गराइएको छ ।