पछिल्लो २४ घण्टामा थप १२३९ जनामा कोरोना संक्रमण, १३ जनाको मृत्यु

काठमाडौँ । नेपालमा पछिल्लो २४ घण्टामा थप १ हजार २३९ जनामा कोरोना संक्रमण पुष्टि भएको छ।

यस्तै पछिल्लो २४ घण्टामा देशभर १३ जना कोरोना संक्रमितको मृत्यु भएको छ। यससँगै हालसम्म मृत्यु हुनेको संख्या ११ हजार ७२ पुगेको छ।

बिहीबार १ हजार ३२४ कोरोना संक्रमणमुक्त भएका छन्। हाल देशभर २० हजार ७४३ सक्रिय संक्रमित रहेका छन्।

गत चौबीस घन्टामा ११ हजार ६२९ पीसीआर तथा ३ हजार ६१४ एन्टिजेन परीक्षण भएको छ।