घट्यो कोरोना संक्रमितको संख्या : थप २,२१२ जनामा संक्रमण पुष्टि, ३३ जनाको मृत्यु

काठमाडौँ । नेपालमा पछिल्लो २४  घण्टामा थप २ हजार २१२ जनामा कोरोना संक्रमण पुष्टि भएको छ। देशभर हालसम्म ३९ हजार २९८ जना सक्रिय संक्रमित छन्।

आइतबार १ हजार ८६७ जना संक्रमणमुक्त भएका छन्। गत २४ घण्टामा ८ हजार ८८ पीसीआर तथा ४ हजार १८ एन्टिजेन परीक्षण भएको छ। यस्तै गत २४ घण्टामा देशभर ३३ जना संक्रमितको मृत्यु भएको छ।

यससँगै देशभर हालसम्म कोभिडबाट मृत्यु हुनेको संख्या १० हजार २९२ पुगेको छ।